“በመደመር መንግስት እይታ የዘርፎች እመርታ ” በሚል መሪ ቃል በሁለተኛ ዙር በባህርዳር ከተማ ስልጠና ሲከታተሉ የቆዩ የክልል ከፍተኛና መካከለኛ የብልፅግና ፓርቲ አመራሮች የመሶብ የአንድ ማዕከል አገልግሎት ጎበኙ።
በመሶብ የአንድ ማዕከል አገልግሎቱ በመገኘት ለሰልጣኞች ገላፃ ያደረጉ የአብክመ የሲቪል ሰርቪስና የሰው ሀብት ልማት ቢሮ ሀላፊ ወ/ሮ ባንች አምላክ ገማርያም ስለ ማዕከሉ አጠቃላይ ገለፃ ያደረጉ ሲሆን የሰራተኞቹም ሆነ የተቋሞቹ አፈጻጸም በዚህ የሚለካ ሲሆን ምን ያህል ደንበኞች በምን ያህል ጊዜ እንደተስተናገዱ እና የተገልጋዮች ቅሬታ ጭምር በዲጂታል አሰራር የሚቀርብበት እንዲሁም ጥብቅ ቁጥጥር ያለበት በመሆኑ ሙስናን ለመከላከል እና የአገልግሎት አሰጣጥ ጥራትን ለማሳደግ ተስፋ እንደተጣለበት ተናግረዋል።
