የክልሉ ከፍተኛ መሪዎችና መካከለኛ አመራሮች በባሕርዳር ከተማ የተሰሩ የልማት ስራዎችን ተዘዋውረው ጎበኙ።
በከተማዋ የተሰሩ የሞሰብ አንድ ማዕከል አገልግሎትና የኮሪደርና የጣና ዳር ልማቶች ከአልማ ዋተርፍሮንት 800ሜትር ርዝመት 40ሜትር ስፋት ያለው የኮንክሪት አስፓልት መንገድ፣ኤም ኤስ ኤ ኢንዱስትሪ፣ራቫል ብረታብረት ፋብሪካና የባሕርዳር አለም አቀፍ ስታዲየም ክቡር ከንቲባው በተገኙበት ተዘዋውረው ተመልክተዋል።
የባሕር ዳር ከተማ አሥተዳደር ተቀዳሚ ምክትል ከንቲባ አቶ ጎሹ እንዳላማው የባሕርዳር ከተማ ሞሰብ አንድ ማዕከል አገልግሎት በ20 ቀናት ተጠናቆ 12 ተቋማትን በሲስተም በማልማት 92 አገልግሎቶችን በጥራትና በቅልጥፍና መስጠት ጀምሯል ብለዋል።
ከተማዋን የዲጂታል ቴክኖሎጅ ተጠቃሚ በማድረግ የተሻለች ከተማ ለመፍጠር ስራዎች እየተሰሩ መኾኑን ገልፀዋል፡፡ ይህ በመኾኑም የአገልግሎት ተደራሽነትንና ጥራትን፣ ዘላቂነትንና ምቾትን ለማሳደግ የሚያስችል መኾኑንም ተናግረዋል፡፡
በከተማዋ እየተገነቡ ያሉ ትልልቅ ፕሮጀክቶች የከተማዋን ተመረጭነትና ደረጃ ከፍ የሚያደርጉ ናቸውም ብለዋል።
