በ2009 በጀት ዓመት በምደባ ለተጠቃሚዎች የሚተላለፍ የከተማ መሬት

አቅርቦት በእቅድ መያዙ ተገለጸ

የአማራ ብሔራዊ ክልላዊ መንግሰት መስተዳድር ምክር ቤት አምስተኛ ዙር ሁለተኛ አመት የሥራ ዘመን ህዳር 23 ቀን 2009 ዓ.ም ባደረገው 6ኛ መደበኛ ስብሰባ በ2009 በጀት ዓመት በምደባ ለተጠቃሚዎች የሚተላለፍ የከተማ መሬት አቅርቦት እቅድ ማፅደቁን ገለጸ፡፡

ውይይቱ የተጀመረው የከተማ ልማት፣ቤቶችና ኮንስትራክሽን ቢሮ ም/ኃላፊ በተሰጠ ማብራሪያ ሲሆን በክልሉ የሊዝ ደንብ ቁጥር 104/2004 አንቀጽ 22 ንዑስ አንቀጽ አንድ መሠረት በምደባ የሚቀርብ የመሬት ዕቅድ በቢሮው በኩል ቀርቦ በመስተዳድር ምክር ቤቱ ከፀደቀ በኃላ አተገባበሩ በከተሞች በኩል እንዲፈጸም ከተሞች መረጃውን በማሰባሰብ በቢሮው በኩል ተዘጋጁቶ መቅረቡን ገልጸው፣ በዚህም በክልሉ በሚገኙ ከተሞች መሬትን በዕቅድና በቁጠባ ፍትሃዊነትና ቀጣይነት ባለው ሁኔታ ማቅረብ እንዲቻል በበጀት ዓመቱ ተለይቶ በሁሉም የክልሉ ከተሞች በምደባ ለተጠቃሚዎች የሚተላለፈውን የቦታ መጠን በአገልግሎት አይነት በዝርዝር በማቅረብ ምክር ቤቱ ተደራጅቶ የቀረበውን ዕቅድ እንዲያፀድቅላቸው ጠይቀዋል፡፡

በዚህም መሰረት ምክር ቤቱ በጉዳዩ ላይ በጥልቀት ተወያይቶ በክልሉ ውስጥ በሚገኙት ከተሞች መሬትን በእቅድና በቁጠባ ፍትሃዊና ቀጣይነት ባለው ሁኔታ ማቅረብ እንዲቻል በበጀት ዓመቱ ውስጥ በሁሉም የክልሉ ከተሞች በምደባ ለተጠቃሚዎች የሚተላለፈው የቦታ መጠን በአገልግሎት አይነት ተለይቶ በዝርዝር ተዘጋጅቶ የቀረበው እቅድ መረጃው ከሁሉም ከተሞች ተሰባስቦ በቢሮው በኩል ተደራጅቶ እንዲፀድቅ መቅረቡ ተገቢ መሆኑ ላይ በማስማማት ተዘጋጅቶ የቀረበውን እቅድ በቀረበበት አግባብ ምክር ቤቱ ወስኗል፡፡

ለሁለት ሽሀ ዘጠኝ በጀት ዓመት ለስፖርት ምከር ቤት ሥራ ማስኬጃ የሚሆን በጀት ተመደበ

የአማራ ብሔራዊ ክልላዊ መንግሰት መስተዳድር ም/ቤት አምስተኛ ዙር ሁለተኛ ዓመት የሥራ ዘመን ህዳር 16 ቀን 2009 ዓ.ም ባደረገው አምስተኛ መደበኛ ስብሰባ ለ2009 በጀት አመት ለስፖርት ምክር ቤትና ለወልዲያ ስታዲየም ምርቃት የሚሆን 20.3 ሚሊዮን ብር  መመደቡን፣ምክር ቤቱ ገልጻል፡፡

ውይይቱ የተጀመረው በገንዘብና ኢኮኖሚ ትብብር ቢሮ በኩል በታየበት ወቅት የተደረሰበትን የውሣኔ ሃሳብ የርዕሰ መስተዳድር ጽ/ቤት በዝርዝር በማቅረብ ሲሆን በዚህም መነሻ የክልሉ ወጣቶችና ስፖርት ጉዳይ ቢሮ ለ2009 በጀት ዓመት በስፖርት ምክር ቤት የብር 61.2 ሚሊዩን በላይ ድጋፍ እንዲደረግለት እንዲሁም በወልዲያ ከተማ የተገነባውን ዘመናዊ ስታዲየም የሚመረቅበት ወቅት ታሪካዊ ሥራ ለሠሩት አካላት እውቅና ለመስጠትና ለከተማ አስተዳደሩ የመስተንግዶ ወጭ ለመደገፍ ብር ሦስት መቶ ሰባ ሺህ እንዲደገፍ ባቀረበው ጥያቄ ላይ የክልሉ ገንዘብና ኢኮኖሚ ትብብር ቢሮ ክልሉ ካለው በጀት አንፃር ተገቢነቱን መርምሮ የቀረበውን የውሣኔ ሃሣብ መስተዳድር ምክር ቤት ውሣኔ እንዲሰጥበት ጠይቀዋል፡፡

በዚህም መሠረት መስተዳድር ምክር ቤቱ በቀረበው ሃሣብ ላይ በጥልቀት ከተወያየ በኃላ በቢሮው በኩል በቀረበው የውሣኔ ሃሣብ በመስማማት፣

1ኛ. ለስፖርት ምክር ቤት 20 ሚሊዮን ብር

2ኛ. ለወልደያ ከተማ ስታዲየም ምርቃት የሚውል ብር ሦስት መቶ ሺህ እንዲሁም ለግለሰቦች እውቅና ለመስጠት በአይነት ለሚሰጥ ሽልማት ብር 30,950= በድምሩ 20,300,950/ሃያ ሚሊዮን ሦስት መቶ ሰላሣ ሺህ ዘጠኝ መቶ አምሣ ብር ድጋፍ እንዲደረግ መስተዳድር ም/ቤቱ ወስኗል፡፡